私隱政策
BUSROO 盡量少收資料。我哋冇帳戶、冇廣告,亦冇任何分析或追蹤工具。以下係 App 會用到嘅資料同用途。
最後更新:2026年11月18日
位置
你允許定位之後,App 會用你嘅位置搵附近車站同計步行時間。
搵附近車站時,App 會將座標傳去 BUSROO 伺服器做查詢。伺服器唔會儲存你嘅座標,亦唔會連結到任何身份。
你可以隨時喺 iOS 設定關閉定位,App 會改用示範位置。
睇車同 Live Activity
你開始睇車時,為咗喺 App 關咗之後仍然更新鎖定畫面,App 會將 Apple 提供嘅推送代碼、路線同上車站傳去 BUSROO 伺服器。
呢個代碼只屬於嗰一次 Live Activity,唔可以用嚟識別你。睇車結束(或者最長 8 小時)之後,伺服器就唔會再用佢。
出門提醒
出門提醒係 iPhone 上嘅本地通知,喺你部手機度計算同排程,唔會傳任何資料出去。
收藏同設定
收藏車站、出門提醒設定只會存喺你部手機,同埋同主畫面小工具共用。刪除 App 就會一齊刪除。
第三方
到站資料來自 DATA.GOV.HK 及巴士公司嘅公開資料,由 BUSROO 伺服器代為查詢,你嘅裝置唔會直接連去佢哋。推送經 Apple Push Notification service 傳送。
我哋唔會出售或者分享你嘅資料。
兒童
BUSROO 適合所有年齡使用,我哋唔會刻意收集兒童嘅個人資料。
聯絡我哋
有任何私隱問題,請電郵 support@mmqm.dev。如果政策有改動,我哋會更新呢一頁。