支援
用 BUSROO 遇到問題,或者有建議?先睇吓下面常見問題,搵唔到答案就電郵我哋。
聯絡我哋
電郵 support@mmqm.dev,講埋你部 iPhone 型號、iOS 版本同遇到嘅情況,我哋會盡快回覆。
常見問題
點解附近車站唔準?
請喺 iOS 設定 › BUSROO › 位置,揀「使用 App 期間」並開啟「精確位置」。如果你唔喺香港,App 會用示範位置。
收唔到出門提醒?
請喺 iOS 設定 › BUSROO › 通知,開啟「允許通知」。提醒會按最後一次更新嘅到站時間響,開住睇車頁會最準。
鎖定畫面冇顯示 Live Activity?
請喺 iOS 設定 › BUSROO 開啟「即時動態」。每次只會睇一班車,Live Activity 最長顯示 8 小時。
支援邊啲巴士公司?
而家支援九巴同城巴。城巴暫時未有全線到站時間,但車站到站時間可以正常用。
到站時間點解同站牌唔一樣?
資料來自巴士公司公開嘅實時數據,每 30 秒更新。標住「時間表」嘅班次係預定時間,唔係實時位置。